Eallin Laponias

Olbmot leat eallán dán guovllus, mii dál dagaha Laponia máilmmeárbbi, maŋemus nannánjieŋa rájis. Juohke jogas, meahcis, luohkás, bávttis, eanus ja jávrris lea namma. Olbmot, ealibat ja šattut leat heivehan iežas erenoamáš vuostebeliide biekkain ja sujiin, bievllain ja muohttagiin, čuovggain ja seavdnjadasas. Visot dáppe lihkká ja rievdá olles áiggi. Buolvvas bulvii leat dolvon viidáset máhtu got eallit luonddus ja ii goaridit dan.

  • "Allávárre mearkkaša ollu munnje. Mon lea šaddan bajás dáppe ja mus leat mu ruohttasat dáppe. Gilli lea ávdin otne. Dálvviid mon láven leahkit okto máŋggaid beivviid ovdal go oktage biila boahtá diehke.” Rikard Åström, Allávárre
  • 
”Dovdá lihkku go gullá ruovgama. Gávdnojit miesit, gávdnojit álddut ja bohccot. Manai bures dán jagi maid. Birgejedje. Lean oalle lihkolaš go beasan vásihit dán.” Helena Länta, Jåhkågaska tjiellde

  • ”Dalle mis ii bálljo lean mihkkege. Mis eai lean biillat iige mihkkege iežá. Ja mii leat hárjánan birget veahážiin. Dál, go lea geaidnu, ja visuin lea biila, de lea dego ollát iežá máilbmi.” Per Suorra, Viedás

  • ” Munnje dát lea mu váhnemiid stuorimus skeaŋka munnje, geasit Dievssas. Doppe eallin leai dakkár, juo mánnán, galggai birget ieš.” Lena Viltok

  • ”Vuovdesápmelaš sávvá lieggasa ja ollu čuoikkaid. Čuoikkat leat min buoremus reaŋggat ja buoremus ustibat. Ja leat hálbbit.” Per-Erik Kemi guhte ožžo veahki čuoikkain čohkket bohccuid
  • ” Go áhčis ii lean oktage bárdni son válddii mu ja mu oappá meahccái. Jus mánáid váldá mielde de sis loktana miella. Munnos guktuin lea miella bivdui. Sihke mus ja mu oappás.”Titti Bergman muitala go lea leahkit Sjávnjas.
  • Go raŧŧi ja buođđobikket Siidasjávrris huksehuvvui de dat geahpidii johtima várrái. Nissonat ja mánát sáhtte beassat dohko. Šattai álkibut johtit bohccuiguin eanu rastá ja dasto davás, Njunnásii. Muhto raŧiin ja buođđobiggemiin eai lean dušše buorit bealit, šattai maid ollu johtolat raŧi mielde ja ollu turisttat, guolásteaddjit ja smávvaeallebivdit bohte.” Per Gustav Nutti, Baste čearru
  • ”Go lean šaddan bajás boazodoaluin de leai lunddolaš munnje álgit bargat bohccuiguin. Lea friddja muhto ii. Bohccot, dálki ja jahkeáiggit leat buori muddui mu bargoaddit. Ii šatta rikkis jus geahčan ruđaide, muhto ealán vuogas eallima.” Jessica Länta, Jåhkågaska tjiellde