Árgabeaivi

  • 
”Luonddus gal ferte beroštit jus galgá lihkustuvvan dán barggus”, Nils-Ola Parffa lohká.
  • ”Ollusiin gal lea niehku ahte mánát galge váldit badjel, ja lea maid mus. Ipmirdan seammás ahte ii leat viissis ahte nu geavvá.”
  • ”Boazobargit gal ovtta láhkái leat oalle falit.”
  • ”Ii leat dušše mii geat galget oahppat, bohccuin leat maid iežas vierut. Sii manne dohko gosa leat hárjánan mannat.”.
  • ”Go giđabealde johtit de biđgejit suinniid čohkken dihte bohccuid. Ja de mii johtit.”
  • ”Mii geavahit Muttosa guohtunguovlun, ii leat ipmašit go nu. Ovdamunni lea ahte lea seailluhuvvon. Mis lea eanemusat čuoigit mat bohtet meaddel. Muhto eai leat skohtervuoddjit geat vuojašit duohko diehke.”
  • ”Muttos lea buorre eanan bohccuide, sii gávdnet ovdamearka dihte guohtuma daid erenoamáš bávttiin. Seammás leat vuogas eatnamat meahcceelliide, dat lea heajus bealli, muhto šaddá eallit dáinna ja oaffarastit albasii.”
  • ”Mon dagan dán danin go ealán rikkis eallima, váikko lea lossat muhtimiin. Lea eallinkvalitehta, ferte liikot dasa.”
  • ”Mon oainnán eanet ja eanet man dehálaččat lahppot leat. Lahppot sáhttet gádjut mu ja mu bohccuid. Bohcco eallin lea gitta lahppuin. Eai leat galle boazobargit geat besse oaidnit lahppomeahci otne.”
  • ”Jus ceavvigoahtá, de leat viimmat dušše oktonas bohccot geat ruhttet duohko diehke ja figget goaivut suovnnji duos dás.”

Álbmot eallá dain duoddariin ja mehciin ja leat nu dahkan máŋga duhát jagi. Beaivi ja biekkat stivrejit olbmo eallima. Boazu addá iežas eallima vai olmmoš galgá oažžut biepmu ja biktasiid. Dáppe leat min orohagat, guohtuneatnamat, min historjjá ja min muittut. Luottat olbmuin dáppe lea unnán ja hárvvit. Muhtin geađgegierdu dievás maid illá oaidná lea árran. Árran lea olbmo ruoktu muhtin áigái. Báiki gos son vuoiŋŋasta, oažžu liekkusvuođa ja čuovgga. Visot luonddus lea siellu ja olmmoš lea unna oasáš dáin viiddes eatnamiin.

Otne sámit ovcci čearuin ellet ja barget Laponias. Sii guođuhit ja johtet ealuiguin birra jagi. Vuovdesámit johtet bohccuiguin vuovdeeatnamiin, ja duottarsámiid bohccot lihkket vuvddiin lullin gitta duoddariidda davvin.