Bivdu

Titti Bergman muitala su bivdoberoštumi birra
  • ”Mon liikon jekkiid gálašit.”
  • ”Dáppe leat ollu cuopput, soames sarva ja de mon. Mon liikon jeakki hádjii. Geahččat bovnnaid, dálkki, beaivvi ja makkár ealibat guovllus leat lihkkan.”
  • ”Mu áhčči álo válddii mielde mu meahccái. In jáhke leai earru danne go ledjen nieida. Jus livččen leamaš bárdni livččii leamaš seamme”
  • ” Áhčis ii lean bárdni ja son válddii mielde mu ja mu oappá. Jus váldá mielde mánáid de sii ožžot beroštumi. Ja moai liikojetne bivdui goappešagat. Mu oabbá ja mon.”

Go geassi lea vássán de hušas áigi álgá sihke ealibiidda ja olbmuide. Bárbmolottit čoahkkanišgohtet oarjjás johttát. Sii geat bisánit geahččalit buoidut ja gievrut birgen dihte dan guhkes dálvvi.

Čakčamánus ovdal vuosttaš muohttaga lea ragatáigi, dalle sarvát čohkkejit
áldočorragiid maid sii fáktejit ja dasto rahket daid. Duoddara ja mehciid olbmuide čakča lea áigi čoaggit, čohkket, bivdit ja njuovvat. Murjjiid, guoli, sarvva ja bohcco galgá goarjidit. Oasi dás vuovdá, muhto eanaš oasi vurke jiekŋagábiide dálvái.