Boazoguovlu

Mii guorrat ain seammá bálgáid

  • Govven: Jan Erik Nilsson
  • Govven: Jan Erik Nilsson
  • Govven: Carl-Johan Utsi
  • ”Mii geavahit Muttosa guohtunguovlun, ii leat ipmašit go nu. Ovdamunni lea ahte lea seailluhuvvon. Mis lea eanemusat čuoigit mat bohtet meaddel. Muhto eai leat skohtervuoddjit geat vuojašit duohko diehke.”
  • Govva: Carl-Johan Utsi

Ealuid johtimat leamaš oassin das man láhkái Laponia erenomáš luondu, mas lea oalle girjás biologalaš riggodat, lea hábmejuvvon. Geađgeáiggi bivdoolbmot oavnnjistedje gottiid agálaš johtimiid ja bivde daid. Vuođđu otná meahcce- ja duottarboazodollui lea  dáid dološ gottiid johtingeainnut áiggiid mielde.

Boazu lea luvvojuvvon johtit. Ieš guhte áiggis jagis dat gávdná borramuša guđege báikkiin. Vuovdeboazu vájalda dušše jeagge- ja vuovdeeatnamiin ja ii vuolgge goassege váriid guvlui. Duottarboazu johtá viiddes guovlluid. Árrageasi dat guhto lávttas eatnamiin, soahkevumiin ja jekkiin, báikkiin gos árrat rahttá ja lea valjis guohtun. Guovdu geasi dat lea duoddariin, gitta norgga rittuid rádjái. Giđđat ja čakčat luoitá duottarboazu čearrováriide ja várrevuvddiide. Dálvet dat guhto jeahkáliid mat šaddet goahccevumiid muohttaga vuolde.

Otná čearut fertejit johtit ealuidisguin báikkiid mielde vai sin bohccot birgejit dálvvi čađa. Boazoeaiggádiin lea fásta orrunbáiki, muhto boazu guorrá dan su dološ johtingeainnu.

Boazu dikšu eatnama ollu šattuide. Dalle go dat dulbmo ja bolto eatnama dat dagaha ahte temperatuvra eatnamis loktana. Dás ávkkástallet jeahkálat, sepmolat ja ollu eará šattut.