Vuovdeboazodoallu

Eallima vuođđu

Vuovdesámit eai jođe duoddariidda giđđat, nugo duottarboazosámit dahket. Vuovdeealut bissut siseatnamiin ja jođašit jagi mielde iešguđege guohtumiid mielde mehciin ja jekkiin. Laponias leat erenoamážit Muddosa meahcit ja ábit mat geavahuvvojit guohtuneatnamiin Jiellevári vuovdečerrui. Jeakkit vástidit duottarbohcco duottareatnama. Báhkka čuoikabeivviid čoahkkanit bohccot jekkiide gos lea gálus ja biegga, doppe besset eret jurri divrriin.

Ovdalaš áiggi jođihuvvui vuovdesámi boazodoallu olles nuorta Suomas ja gitta Ångermanlándii. Go eanandoallu geavahišgođii daid eatnamiid duvdojuvvoje vuovdesámit ain dobbelii. 1900 jagiid gaskamuddui elle vuovdeboazosámit belohahkii johttisápmin. 1950 jagiid rájis lea ollu rievdan vuovddihiid boazodoalus. Ovdamearkka dihte gávdnojit dál ollu biilageainnut mehciin. Daid mielde máhttá vájaldit jođáneabbo ja GPS- sáddenrusttegat muitalit gos bohccot leat.

Máhttu dola birra

Meahcis lea valjit ávdnasat. Dáppe addet guokte luddejuvvon čoskka čuovgga ja liekkasvuođa olles ija. Teknihka lea eaŋkil ja ávkkálaš. Guovtti goike, luddejuvvon čoska gaskii bidjá veaháš cahkkehagaid ja de bulleha. Jus dahká gaska čoskkaid gaskkas stuorit de dat buollá.

Ovdal dahke suovaid bohccuide. Go bidje sepmoliid dollii dat doalai čuoikkaid ja iežá divrriid eret bohccuin. Bohccot ledje dalle nu lojit ahte ieža bohte suovaid lusa vai besse eret divrriin.

eld_CJUTsi

Govven: Carl-Johan Utsi