Duottar

Dievva eallimiin dahje šaddokeahttá

Duottar lea biekka ruoktu. Bajimus čohkas mii gullat dan. Bajimus ceakko gáissiin lea dušše jiehkki ja sitkadeamos ealibat biekka guoibmin.

Muhto min duoddariin lea maid jalges ja runes lágut Badjelánndas mat fillejit ealuid gurgalit davás guvlui guohtuma ohcat. Doppe leat maid čearrovárit Sjávnjas ja Sarega suhkkes vággevuođut. Dáppe girdilit lottit dalle go boađát ila lahka. Šaddošlájat mat eai gávdno eará báikkiin šaddet dáppe. Giikariin oainnát miilla miilla duohken. Gabba bohccot eai leat ollu, muhto dat báitet dego geassenásttážat várreluohkáin.

Dávjá leat min duoddariin dološ namat mat čilgejit daid hámi dahje masa dat leat adnon. Namma máhttá muitalit jus dat lea jorbbas, ceakkus, ráhpis ja ruonis. Laponia báikenamat muitalit man láhkái min eatnamat leat hábmejuvvon. Laponia lea namuhuvvon máilmmiárbin earret eará dan dihte go dáppe oaidná geologalaš hámiid oalle čielgasit. Mii oaidnit movt jiekŋa lea cáhpan daid govdes vákkiid ja movt bákti lea loktanan.

Olbmuide geat leat eallán dáppe jiekŋaáiggi rájis leat gávdnon máŋga lágán eatnamat gos máhtte eallit. Čakčavárit, giđđavárit ja geassevárit. Várrogas mearkkat maid mii gávdnat miehtá Laponia vuosehit movt mii, buolvvas nubbái, leat oahppan birget eallit duoddariin. Dušše dálvvi áiggi mii leat guođđán váriid ja ohcan suoji mehciin.

Dehálaš gáskieallit
Urban Emanuelsson muitala man dehálaččat gáskieallit leat duoddariidda.

vandra_fotoLaponiatjuottjudus

Duottarsoahkevuovdi  

Laponias leat stuora guovllut gos soahki šaddá goahccevuomi ja duoddariid gaskkas. Duottarsoahkevuovddis buollá oalle hárvvui, muhto vuovdi ođasmahttojuvvo dalle go soahkemáđut borrá lasttaid muhtin jagiid. Jus máđut borret soagi lasttaid nuppádis dalle soahki jápmá. Dalle rahpasa meahcci ja lieđit ja ealibat ealáskit.