Visti

Buoremus duottarorohat

Laponia luondolanjas gávdnu maid min orohat, guokte goađi ja luovvi mii ii leat ila guhkkin eret vistis. Beasat oahppat mii goahti lea ja got galgá láhttet goađis. Dáppe mis leat maid muitalanbottut ja dáppe min gáhkket.

Laponia luondolanjas gávdnu maid min orohat, guokte goađi ja luovvi mii ii leat ila guhkkin eret vistis. Beasat oahppat mii goahti lea ja got galgá láhttet goađis. Dáppe mis leat maid muitalanbottut ja dáppe min gáhkket.

Loavddagoahti lea orohat go leat johtime. Loavdagat ja muorat leat álkit fievrridit ja dan sáhttá johtilit cegget. Loavddagoađi geavahit ain boazodoalus, eareliiggánit geasset miessemearkunáiggi. Dálá áiggi ostet ollusat fabrihkkadahkkon loavddagođiid maid sáhttá páhkket ja guoddit mielde.

Luondolanjas gávdnu maid bissovaš orohat – darfegoahti. Darfegoađi huksejedje báikkiide gos leat orron guhkit áiggiid. Seamme huksenvuohki lea geavahuvvon maid go leat huksen áittiid, gáicagođiid, suovvagođiid ja fanasvistiid. Dálá áiggi gávdnojit maid láset ja dávjá maid láhtti ja kamiidna darfegoađis. Loavddagođiide bidjet duorggaid mat sihke isolerejedje ja ledje dipmásat go velleda ja čohkkáda.

Reahpen lea dávjá rabas, muhto go arvá dehe muohttá de giddejit bieggabeali nu ii njuoska. Vaikko goahti ii lea stuorit go sullii njeallje diamehtera de stuora veahka máŋggain mánáin ja moadde beatnagiin sáhttet orrut das ja eai ge dárbbaš duhkkat ge.

Lávejit dadjat, goađis gos orrot galgá álo leahkit dolla dehe hilat. Goađis gos árran ii ligge lea sihke galmmas ja ahkit.