Čearut

Ovcci čearu eanan

Čearru lea joavku gos earret iežá boazodoallu jođihuvvo. Priváhta olbmot oamastit bohccuid ealus. Juohke bohccos lea mearka bealjis, ja dat vuoseha gii oamásta dan. Suoidnemánus ealut čohkkehuvvot gárddiide ja dan jagáš miesit ožžot mearkaideaset. Čakčat ja čakčadálvvi njuvvet ja vuvdet muhton bohccuid. Stuorimus oassi dan njuvvon bohccuin vuvdojit, muhto stuora oassi bohccos addá bierggu, duollji ja ieža ávdnasiid mat geavahuvvojit ruovttus.

Laponias leat sihke vuovdečearut mat ellet vuovdeeatnamis jagi birra, ja duottarčearut geat geavahit stuorit guovlluid ja diktet bohccuid guohtut goahccevuovddis dálvit ja duoddaris geasset. Ruoŧas leat oktiibuot 51 čearu ja ovcci dain leat eatnamat Laponias.

Čearuin geain leat eatnamat Laponia máilmmeárbi lea dušše oasáš dan guovllus gos eallá ja mas lea sorjavaš. Daid guovlluid haga mat leat Laponia olggobealde ii livčče gávdnon doaibmi boazoealáhus máilmmeárbbis.