Manin máilmmeárbi?

Jagi 1996 Laponia nammaduvvui máilmmeárbin ON-orgánas Unescos. Dat mearkkaša ahte guovlu lea dehálaš dikšut ja seailluhit olles máilbmái. Nammadeapmi lea vuođđuduvvon dasa go lea sihke erenoamáš luondu ja kultuvrralaš árvu Laponias. Lea guovlu mas leat luottat eatnama árra historjjás ja vel olbmos.  Eanadat lea hábmehuvvon ovttasdoaimmain ealli sámi árbevieruin gos guhkes áiggi lea jođihan boazodoalu.

Go Unesco mearridii váldit mielde Laponia máilmmi máilmmeárbbiide leai danin go ceavzá muhtin gáibádusaid, maid sii gohččodit ”Outstanding Universal Values”.

Dás leat moadde ovdamearkkat manin Laponia lea nammaduvvon máilmmeárbin:

  • Govva: Carl-Johan Utsi
  • Guovllus lea rikkis kulturárbi mii vuoseha ahte guhkit áiggiid leat geavahan eatnamiid sihke guhkesáigásaččat ja bistevaččat. Govva: Carl-Johan Utsi
  • ”Mii geavahit Muttosa guohtunguovlun, ii leat ipmašit go nu. Ovdamunni lea ahte lea seailluhuvvon. Mis lea eanemusat čuoigit mat bohtet meaddel. Muhto eai leat skohtervuoddjit geat vuojašit duohko diehke.”
  • Duoddarat Sarek ja Sulidälbmá oahpaha min got eanadat lea hábmehuvvon geologalaččat ja manin lea nugo lea otne. Govva: Peter Rosén
  • Čáppavuohta eanadagas, ovdamearkka dihte dat stuorra duottarjávrrit Padjelantas/Badjelánndas. Govva: Carl-Johan Utsi
  • Sámi kultuvrra, gođiiguin ođđaáigásaš stobuiguin, dagaha guovllu vel čábbábut. Govva: Laponiatjuottjudus
  • Visot mii čadnojuvvo oktii jihkiiguin gávdno Laponias, ovdamearkka dihte u-vákkit, marasguovllut, fieraldagat ja borši jiehkkejogat.
  • Oaidná go jiekŋa ja ritni leat váikkuhan guovllu, omd. geahččanveara balssat mat ihtet ja gahččet ja jiekŋajogat leat bahkkehan bávttiid ja geđggiid gaskkii. Govva: Laponiatjuottjudus
  • Sjávnja lea stuorra jeaggeáhpi mii lea oalle mávssolaš. Lea guovlu gos illá beassá go ii leat dálvesiivu. Govva: Jan-Erik Nilsson
  • Laponias lea boaresvuovdi muoraiguin mat leat eanet go 700 jagi. Friddja ja váikkuhusa haga vuovdi šaddá. Govva: Jan-Erik Nilsson
  • Oaidná čielgasit Laponias got olbmot leat leamaš oassin ekovuogádagas 7000 jagi. Govva: Carl-Johan Utsi