Sjávnja

Oanehis botta geažis du beallji hárjána dan jaskes muohtagokčasii. Du lávkkit, du pulsa ja du vuoiŋŋahagat lea visot mii gullo. Oktonas gáranas doppe guhkkin dávista eatnamiid badjel. Go šuokŋa jávká de šaddá vel jaskadeappot.

Konsearta loahpa haga. Vižarda, bihču ja lávlu olles beaivvi ja vel jitnoseabbot eahkes. Ja juste go leat nohkkame de áŋgiris čuoika girdila du bealljái.

Sjávnja luondoreserváhtii šiehttá eanadathámit alladuoddariin gitta eatnama stuorimus jeaggeábiide lullin. Sjávnnjas lea lohkameahttun ollu lottit. Čuvges giđđaijaid lea symfoniija lávlluiguin eatnamiid miehtá.

Dán stuorra luondoreserváhtas leat čeavrát, geatkkit, albasat ja biertnat. Sarva lea dábálaš. Muhto dábáleamos ealit dáppe lea boazu. Giđđat ja čakčat Baste čearru ja Unna tjerusj johtet ealuineasetguin dálveeatnamiidda Sjávnnja lullelis duoddariidda davvin.

30-logus go leai heajus guohtun de muhtin reainnárat bisánedje dása. Ealut binnu ja Sjávnjaábis leai buorre guohtun. Doppe leai guolli, doppe leai loddi ja giđđat leai monnevallji. Ovdal boazodoallelohku unnui de dieđusge ledje vájaldan ovddus ruoktu ábis máŋga jahkelogiid. Sii gal dihte gos leai dorvvolaš ja gos gávdnojedje orrunbáikkit. Ja de bisánedje dohko ja bivde neahti, rievssahiid ja meahci lottiid. Doppe ledje guokte stuorra lotti, njuvččat ja čuotnjágat. Lottit bohte ráiddus giđđat, reimmodedje ja bišku jekkiin. Doppe visot máilmmi lottit gávdnojit. Njuvččat biško birra jándora go girddašedje doppe.

Lars Pittsa, boazobargi Unna tjerusjis

Váikko Sjávnnjá lulit oasit eai leat nu geasuheaddji de olbmot leat orrun dáppe. 1800-logus ásahuvvojedje moadde ođđahuksehusa Sjávnnja guovddážii. Guolástii, oamastii lihtarii ja bivddii. Gitta 1940 láddjejedje jekkiid Sjávnnas, muhto otne ii leat fásta orohat šat. Stobut geavahuvvojit goitge ain astoáigestobožiin.

Sjávnja_Janjan Nilsson

Govva: Jan Nilsson