Stuorra guovlu, ollu jearaldagat

Mii oažžut ollu lágan jearaldagaid Laponia birra. Dása mii čohkkehit daid dábáleamos jearaldagaid ja vástádusaid.

 

 

Arvidssonstoboš

Got gávdná Arvidssonstobožii?

Arvidssonstoboš lea Muddusa/Muttosa našunálapárkkas ja ii leat ovttage bálgá bálddas, muhto okta vuohki beassat dohko lea guorrat meahccegeainnu mii mohkasta lulás veaháš dobbelis Harsprångga.

RT90 koordináhtat 1688239 7431977.

Silddit

Skárjá

Skárjásildi (Mihkká) Saregis lea áidna geassesildi Laponias. Geassesildi lea sildi mii váldo eret juohke bievlaáigodaga ja loktejuvvo fas dohko geasseáigodahkii. Skárjásildi bidjo sadjai geassemánu nuppát oasis ja váldo eret čakčamánu gaskamuttus. Goas bidjo sadjái rievdá čázi ja muohttaga mielde. Váldde oktavuođa minguin eanet dieđuide ja guovlal ain min ruovttosiiddus.

Ovddibut beaivvi bidjamii: 2013: 24/6. 2014: 18/6. 2015: 1/7

Miellädno

Sildi Miellädno badjel Álggajávrre badjelis lea heitot ja geavahuvvo iežat vahátváras. Miellädno njálmmis leat suhkanvanccat mat gullet Ruoŧa girkui, muhto vánddardeaddjit sáhttet geavahit daid.

Leat go visot silddit rasttildahtti?

Juo, silddit dárkkistuvvot juohke jagi. Muhto dálki ja biegga sáhttá billistit, váldde oktavuođa minguin jus fuobmát sivaid.

Badjelánndabálggis (Padjelantaleden)

Stobožat Badjelánndabálgá mielde jođihuvvot čearuid searvvi Badjelánnda Laponia Turism, BLT bokte. Eanet dieđut stobožiid birra gávnnat sin ruovttosiiddus. Dás gávdnojit maid dieđut Badjelánndabálgá birra.

Huksenlohpi

Huksenlobi ohcá gielddain muhto dieđut huksenlobi birra galget dieđihuvvot Laponiatjuottjudussii, admin@laponia.nu

Vanccat

dievssa_vakkuda_sep2013-6

Dievssajávri (Teusajaure)

Gonagasbálgás Dievssajávri ja Vákkudavárre gaskkas dárbbahat suhkat Dievssajávrri (Teusajaur) rastá. Gávdnojit suhkanvanccat ja sáhttá maid oažžut givtta viessoverddes jus cegge leavgga mii lea jávregáttis. Suhkanvanccat bidjojit olggus go stobožat Gonagasbálgá mielde rahpet ja gessojit bajás go leat gidden. Váldde oktavuođa minguin oažžut diehtit juste goas leat sajis. Muitte ahte álo fertejit gávdnot vanccat goabbát bealde go leat suhkan rastá.

M/S Langas

Fanasáiggit fatnasii gaskkal Gäbnásj/Kebnats ja Sáltoluokta gávnnat dás.

M/S Storlule

Fanasáiggit fatnasii Áhkájávrre rastá Rijtjemis/Ritsemis Änonjálbmái ja Vájsáluktii gávnnat dás.

Fierran muorat

Lea lunddolaš proseassa go muorat firret ja lea dehálaš oassi ekovuogádagas. Muorra mii fierrá ožžo báhčit dasa. Jus lea bálgá badjel de váldo eret hálddahusas nu jođánit go vejolaš.

Gihppagat

Gávdnojit gihppagat visot našunálapárkkaide Laponias ja Sjávnjai ja Stubbái. Daid sáhtát oažžut turisttabyråin Jåhkåmåhkes ja Jielleváris ja maid naturum Laponias Stuor Muorkkes (Stora Sjöfallet).

Lottiid suodjeguovlu

15/3-31/7 lea mannangieldu loddesuodjeguovllus Muddus/Muttos našunálapárkkas. Lea okta guovlu Måskosgårssås ja dan davvelis, ja maid stuorra guovlu nuorta oasis Muttosis mii lea rádjeguovlu Muttosluoppalii. Guovllus leat galbbat ja oidno dego ruksesmerkejuvvon linja gárttás.

Seamme áigodagas lea maid loddesuodjeguovlu duoddaris Oarjemus Stubbá (Sörstubba) čohkas Muttosis.

Beana

beana_CJUTSI

Našunálapárkkain ožžo atnit beatnaga báttis ođđajagi 1 beaivvi rájis gitta cuoŋománu 30 beaivái. Ožžo maid váldit mielde beatnaga go vázzá Gonagasbálgá ja Rallarbálgá mielde Muttosis. Sjávnjá luondoreserváhtii sáhttá váldit mielde beatnaga birra jagi muhto ferte álo leat báttis. Stubbás, Sulidälbmás, Lájtávrrenjálmmádagas ja Tjuoldavuobmes álbmotriekti lea gustovaš. Beana ii álo ferte leat báttis muhto galgá leat jegolaš.

Beanaráidu

Ii leat lohpi beanaráidduide Laponias, daid ođđa njuolggadusaid jelgii. Ii leat šat makkárge earru beanaráidduide kommersiála doibmii dehe priváhta geavaheapmái.

Diehtojuohkin sámiid birra

Buoremus lea váldit oktavuođa Sámedikki diehtojuohkinguovddážiin, jus háliidat vástádusa dábálaš jearaldagaide sámiid ja sámi kultuvrra birra. Sii sáhttet vissásit veahkehit gávdnat vástádusa jus sii eai sáhte vástidit du jearaldaga.

Gárttát

Eai gávdno iežá gárttát Laponia badjel go Lantmäterieta duottargárttát ja Calazos gárttát. Daid sáhtát oastit neahtas, sierra valáštallangávppašeddjiin ja muhtimiin maid bensiidnastašuvnnain. Calazosas lea maid ođđa gártá Muddusa/Muttosa našunálapárkka Sjávnnja badjel.

Liibmamearkkat

Dađi bahábut mis eai leat našunálapárkasymbolat hálddahusas muhto soitet gávdnot turisttabyråain Jåhkåmåhkes ja Jielleváris.

Muttos

Gávnna Muttosii

Lagamus geaidnu Muddusa/Muttosa našunálapárkii lea vuoddjit Skájddes  Liggábuođus E45 geainnu bálddas Jåhkåmåhke ja Bårjåsa gaskkas. Don sáhtát maid mannat daid lulit uvssain Sárggavárre ja Urtimjávrre bálddas. Dálvit manná maid bures čuoigat nuortan E45:s Bårjåsa ja Jiellevári gaskkas.

Muttosstobožat

Dáppe visot dieđut stobožiid birra Muttosis gávdno. Stobožiin gávdno visot ja galgá gávdnot gait maid dárbbaha go biepmu ráhkada ja borada. Gávdnojit ruittut, borranreaiddut jna. Gávdnojit maid ránut ja bolstarat, muhto dárbbaha iežas oađđádagaid.

Gálvvut

Gálvolisttu stobožiidda Muttosis.

Pluvven

Geaidnu Skájddái pluvvejuvvo njukčamánu 1 beaivvi juohke jagi. Ii doalahuvvo giđđabealis ja sáhttá fas vájaldit das go muohta lea suddan. Geainnut Sárggavárrái ja Urtimjávrrái lea pluvvejuvvon birra jagi.

Orrun

Dáppe gávnnat hattiid ja dieđuid got mávssát orruma Muttosis.

Luonddolatnja

press_naturum_Daniel Olausson

Rabasáiggit luonddulatnjii ja prográmma gávnnat dás. Luonddolatnja sáhttá rahppot joavkkuide ja skuvllaide áigodaga go lea gitta. Váldde oktavuođa luonddolanjain diŋgomiidda ja jearaldagaide.

Dáppe gávdnojit maid vástádusat dábálaš jearaldagaide luonddulanja birra.

Meallut Saregis

Njuolggadusaid jelgii ii leat lohpi vájaldit čáhcevuojániin Saregis. Dat mearkkaša ahte ii oačču meallut, guoikkaid mielde johtit jna, olles našunálapárkkas.

Suorvvá

Manná bures rastet buođu Suorvvás jus galgá beassat Stora Sjöfallet/Stuor Muorkke našunálapárkii ja de viidáseappot Saregii. Vearrágis lea uksa mii álo lea rabas. Guovllus šaddá vájaldit iežas vahátváras, danne go lea industriijaguovlu. Čuovu geainnu buođu badjel ja gárddi vuostá mii lea oarje bealde jávrráža. Jus galggat beassat bálgái ja várrái de fertet mannat Sirgesa rátkingárddi čađa. Gidde vearráhiid dárkilit danne go muhtimiin leat bohccot gárddis.

Gávppašeamit

Jearaldagat sáddejuvvojit: admin@laponia.nu