Badjelánndabálggis

(Padjelantabálggis)

Badjelánndabálggis (Padjelantaleden) váldá du olles Padjelanta/Badjelánnda našunálapárkka čađa, mii sámigillii mearkkaša eanan loktosis. Bálggis manná viiddes duoddariid badjel ja stuorra duottarjávrriid meaddel. Sarega gáissit ja davvin Sulidälbma muohtačohkat báitet albmeravddas.  

Guovdu geasi suoidnemánus olbmot dain golbma čearuin Sirges, Jåhkågaska tjiellde ja Tuorpon johtet orohagaide. Bálggis manná meaddel máŋggaid báikkiid main leat luottat mat mannet máŋggaid duhát jagiid maŋus áiggis. Dát lea guovlu gos olbmot leat orrun guhkes áiggi ja gos boazodoallu ain lea našunálapárkka čoalki váibmu.  

Badjelánndabálgá lea geahpas vázzit ja dat heive maid dáidda geat eai leat nu hárjánan duoddariidda. Eai leat váttis gálahagat ja stobut leat obba lahka lagai. Gávdnojit oktiibuot golbmanuppelot stohpobáikkit bálgá mielde. Muhtimat oamastuvvot Svenska turistföreningen, STF:s. Dat stohpobáikkit mat leat máilmmeárbbis Laponias ja našunálapárkkain jođihuvvojit čearuid searvvis Badjelánnda Laponia turism, BLT:s.

Geasset gávdnojit viessoverddet eanaš stobuin. Don sáhtát oastit muhtin biepmuin. Stobuin leat iešfuolla. Gávdnojit gásolaspiissat, ruittut, porsliinnat, gokčasat ja bolstarat, muhto váldde mielde iežat lágániid dehe oađđinseahka. Dieđusge sáhttá maid deltet bálgá mielde.  

Dás gávnnat áigeguovdilis dieđuid stobuid birra Badjelánndas.

Goas lea buoremus áigi vánddardit?
Suoidnemánus čakčamánnui. Stohpobáikkit giddejit čakčamánu álgogeažis.

Vázze bealle mátkki
Dáidda geat eai hálit vánddardit olles mátkki de manná jeavddalaš helikopterjohtolat geasseáiggi Huhttánis/Kvikkjogas ja Rijtjemis Stáloluktii, Badjelándda guovddážis.