Davvikalohttabálggis

Nordkalottleden_Foto Laponiatjuottjudus

Govva: Laponiatjuottjudus

Vánddardeapmi Sámi čađa

Davvikalohttabálggis lea sullii 80 miilla guhkes geassebálggis Suoma, Ruoŧa ja Norgga čađa. Nuortan álgá Guovdageainnus Davvinorggas. Loahpahuvvo lullin norgga Sulidälbmás dehe Huhttánis/ Kvikkjogas Ruoŧas.  

Stuorra oasit bálgás mannet oktii iežá bálgáiguin, mat leat čadnon oktii ođđa bálgáosiiguin. Laponias Davvikalohttabálggis manná oktii Badjelánndabálgáin Gisurisa ja Stáloluovtta gaskkas. Ja de mohkasta davás Stáddájåhkii ja Sulidälbmái.

Jus váccát olles bálgá de rastet ráji logi gearddi. Gávdnojit idjadanstobut sullii 40 báikkiin. Stobuin mat fuolahuvvot STF, Svenska turistföreningenas ja BLT, Badjelánnda Laponia turismas, gávdno biebmu oastimii visot stohpobáikkiin. Diehtojuohkin fálaldaga birra gávdno STF:a ja BLT:a ruovttosiidduin.

Buoremus áigi vázzit lea suoidnemánu álggus gitta čakčamánu lohppii.

Min rávvagat:

Guvtjávrre. Jávri lea juste ráji nalde máilmmeárbái ja lea okta dain čábbámus geassebáikkiin Laponias váriin Áhkáin mii allánaddá albmeravddas. Dálvit lea guovddáš báiki Sirgá čearu dálvečohkkemiidda. Dás sáhtát oastit sihke gáhku ja guoli báikkálaš olbmuin.