Bálgát

Vánddar máilmmeárbbis

Olles Laponias bálgát mannet ristut rástut. Dat gurret boares johtolagaid ja dávjá oainnát árraniid bálgá guoras. Boares bálgáid mielde leat orrunsajit, bohccingiettit ja iežá luottat mat vuosehit ahte čuovut geainnu man mielde ollugat leat vájaldan ovdal du.

Dávjá ieš bálggis sáhttá leat kulturárbin. Dihkát sáhttet leamašan dáppe máŋggaid čuohti jagi. Árbevirolaš dihkát dávjá eai leat nu lahkalagai. Leat biddjon vai oidnojit muttágit bures, sajiin gos lea leamaš dárbu.

Laponias gávdnojit sihke merkejuvvon geassebálgát ja dálvebálgát. Dálvebálgáin leat geaidnoruossa, stoalpput rukses ruossain bajimusas. Geassebálgát čuvvot čielgasit ruksesmerkejuvvon bálgáid. Dás sáhtát lohkat eanet sierra bálgáid birra máilmmeárbbis.