Dispánsa ja loabe

Laponia suoddjimpárkajn ja luonndoreserváhtajn li sierra njuolgadusá. Biejadusá mierredi mejt oattjo ja i oattjo Laponian dahkat.

Máhttá dispánsav jali loabev oadtjot dasi mij ietján ij la loahpe biejadusáj milta. Dispánsav jali loabev åttjutjit de aktavuodav válde Lenastivrajn Norrbottena lenan. Laponiatjuottjudus, mij väráltárbev Laponiav tjuottjot, ij la fábmudahka, valla Lenastivra remissainstánssa.

Muhttijn viertti gähttjalimmávsov mákset vaj lenastivrra åvvå gähttjal åtsålvisáv. Laponian gávnnuji aj ållo Natura 2000-bájke ja muhttijn dárbaha aj Natura 2000-loabev åhtsåt.

Lågå ienebuv dán birra lenastivra häjmmabielen.

Gå tsieggimloabev väráltárben åtså jali tsieggimvierkijt la váldátjit ällosujttoriektá milta de galga dav Laponiatjuottjudussaj diededit. Ietján li kommuvna ma tsieggimássjijt giehtadalli.