Naturum Laponia birra

Bájkke subttsasij

Vuostak suoddji vuoras vuobme valla gå vuobmerabddaj boadá de hähkkat ednam rahpas. Vuobme, ädno, jávrre ja váre gávnadi. Guovddelin la naturum Laponia, Lágŋasa jávrregátten.

Naturum la sadje subttsasijda. Subttsasa máhtti várij birra jávre nuppen bielen jali boahttsuj birra ma juohkka jage diehki båhti. Mijá naturumin giehttop binnátjav manen dát stuorra bájkke väráltárbben la biejadallam.

Naturum Laponia l ådå guossidimguovdásj vuosádusájn ja kafeajn, mav arkitevta ja bájkkásasj duodjára li hábbmim. Naturuma guoran li aj goade ja bálggá jávrregáddáj ja Stuor Muorke vuoras vuobmáj.

Lågå ienebuv dán sierra bájke birra, gåk naturum sjattaj mav nabddin snöfällanin, mij dálven muohttagav tjoahkki.