Hábme ja hábbmim

  • Gåvvå: Carl-Johan Utsi
  • Vakke tjoarves.
  • Sáme ráno li káhkelijt hivsigin bájnnám.
  • Duostudakbievdde. Dagádum tjoarve muoduk ábnnasis. Girje li Jon Pittja tjoarvvenijbe milta, mij la bievde sinna.
  • Siejnne.
  • Timbartjåskå bietses.

Luonndo ja viessom la vuodon sáme hábbmimgiellaj. Gájkka, degu dal gárvvohábbmim ja tsieggimvuohke, la buolvas buolvvaj gähttjalum ja åvddånam. Luonndo l ábnnasijt vaddám ja máhttelisvuodav gájkajda bájnojda ja hámijda.

Naturum Laponia l Viedásnjárgan, mij la biekkogis sadje. Ussjolmis la garra dálkke galggá huodnahav bájnnet. Vuojdak muora galggi ájge milta rávudit ja dálven muohta gåbttjå siejnij gassa timbartjåskåjt. Sinna vuojnná muohtagierdijt vinndegijn. Suoddjitjit alátbiekkaj vuosstij li uvsajt luksa biedjam.

Sinna rávvis siejne mujttádi sårvijs vuoras vuomen birrusin. Sämmiláhkáj degu goaden ulmutja dållåsadjáj tjåhkani. Sáme ráno li hivsigijt bájnnám ja Laponia duodjára li moadda sinnagávne hábbmim ja dahkam.