Badjelánndabálges

Gássjelisvuohtagráda: Álkke

Guhkkudahka: Ienep gå biejvve

  • Duottar, Badjelánnda. Gåvvå: Laponiatuottjudus
  • Darreluoppal. Gåvvå: Laponiatjuottjudus
  • Låddejåhkå. Gåvvå: Hans-Olof Utsi
  • Stáloluokta. Gåvvå: Carl-Johan Utsi
  • I närheten av Njunjes. Gåvvå: Tor Lundberg Tuorda
  • Gisuris. Gåvvå: Laponiatjuottjudus
  • Rosenrot. Gåvvå: Tor Lundberg Tuorda
  • Lappljung. Gåvvå: Laponiatjuottjudus
  • Gåvvå: Laponiatjuottjudus
  • Gåvvå: Laponiatjuottjudus
  • Gåvvå: Laponiatjuottjudus
  • Gåvvå: Laponiatjuottjudus

Badjelánndabálges duv válldá ålles Badjelánda suoddjimpárka tjadá. Bálges manná vijdes várij badjel ja stuor várrejávrij milta. Almmemáddarin Sarega tjåhkå badjáni ja allen Sulidielmá muohtatjåhkå.

Giesseguovddela sjnjilltjamánon de muhtem Sirggága, Jåhkågaskaga ja Duorbunsáme årru bálggá milta. Bálges manná sajij milta gånnå li moadda tuvsán jage vuoras bátsidisá. Dát la bájkke gånnå ulmutja guhkes ájgijt li viessum ja gånnå ällosujtto l ájn suoddjimpárka svargadiddje tsåhke.

Badjelánndabálges la álkke vádtset ja hähpá aj sidjij gudi várijda älla nåv hárjjánam. Älla vájves gállama ja dåbe li lahkalakkoj. Gávnnuji lågenangålmmå dåhpebájke bálggá milta. Muhtemijt Svieriga turisstasiebrre STF äjggu. Tjieldij siebrre Badjelánnda Laponia turism, BLT tjuottjot dåhpebájkijt väráltárben Laponian ja suoddjimpárkajn.

Giesen gávnnuji dåhpeguossodiddje ienemus dåhpebájkijn gejs máhtá muhtem biebmojt oasstet. Dåbijn iesj bierggi. Gávnnuji gasåvllåspissa, máleslihte, porslijna, gåbttjåsa ja oajvevuole, valla láhkánijt jali oademvuossav iesj maŋŋáj válde.

Dánna ájggeguovddelis diedojt gávna Badjelánda dåbij birra.

Goassa l buoremus ájgge vádtset?

Sjnjilltjamános ragátmánnuj. Dåbe dahppi ragátmáno álgon.

Váttse lahkke bálggáv

Sidjij, gudi ålles bálggáv e sidá vádtset, gávnnu helikopter mij giesen bäjvvásattjat hálet Huhttánis ja Rijtjemis Stáloluoktaj, Bádjelánda guovddelin.