Muttosbálges

Gássjelisvuohtagráda: Álkke

Gähppogårsså. Gåvvå: Carl-Johan Utsi

Jielleváre vuovddetjiellde, Sirges ja Unna tjerusj ávkkiji ednamijt Muddusin. Tuvsánijt jagijt ulmutja li dánna viessum váni bátsidisáj guodek.

Muddusa suoddjimpárkka l vuoras vuobmeednam ja vijdes áhpeednam. Muttos hähpá goappátjagá sidjij gudi oanep biejvvemåhkijt vádtsi ja gudi guhkep ájgev ganudi. Suoddjimpárkan la bájken 50 kilomehtera guhka vuogádahka giessebálggájs. Dálven älla mierkkidum gäjno, valla galmmám áhpe ja muohtavuome giessi ållusijt diehki tjuojgatjit rabás dåbij gaskav.

Giesseájge Muttosbálges muhtem sajijn manná gåjkke vieraj badjel, ábij rastá ja råvvidum bálggá milta. Váttsá buojkulvissan fábmogis Muttosäno milta, gårtjij ja gårsåj milta ja vuoras vuomev.

Dálven máhttá aj nuorttalis Muddusij vuolgget ja tjuojggat ábijt gåggu giesseájge dåssju ednamdåbdde diehti rasstit.

Gut sihtá tielltit gávnnuji buorre tielltimsaje ålles bájken. Muddusagahtjaldagá lahkusin, gå bálggáv tjuovvu, gávnnu ásadum tielltimsadje, hivsik ja muorraájtte. Gávnnuji aj moadda goarrimsaje bálggá milta muorraájtij, hivsigij ja dållimsajij.

Rievtes bielen gávna ienep diedojt.

Rievtes bielen gávna ienep diedojt. Gåvvå: Lisa Wallin