Nuorttakalottabálges

Gåvvå: Laponiatjuottjudus

Váttsos Sámeednama tjadá

Nuorttakalottabálges la 80 mijla guhkes giessebálges Suoma, Svieriga ja Vuona tjadá. Nuorttan manná Guovdageaidnos Vuonan. Oarjján nåhkå Sulidielmán Vuonan jali Huhttánin Svierigin.

Muhtem oase bálggás gávnadi ietjá bálggáj, ma li aktijduvvam ådå bálggáj. Laponian gávnat Nuorttakalottabálges Badjelánndabálggájn Gisurisá ja Stáloluovta gaskan. Dan maŋŋela gávvá alás Stáddájåhkåj ja Sulidälbmáj.

Jus ålles bálggáv váttsá de lågev bále rájev rassti. Iddjimdåbe gávnnuji bájken 40 sajen. Dåbijn mejt STF, Svenska turistföreningen ja BLT, Badjelánnda Laponia turism sujttiji gávnnuji muhtem biebmo oasstet. Diedo fáloj birra gávnnuji STF:a ja BLT:a häjmmabielijn.

Sjnjilltjamáno álgos ragátmáno guovddelij la buoremus ájgge vádtset.

Oajvvadip:

Guvtjávrre. Jávrre l jur väráltárbe ráje guoran ja gullu Laponia tjáppámus giessebájkijda, gånnå Áhkká almmemáddarin gåtset. Dálven gå Sirges älojt tjoahkki la bájkke guovdátjin. Giesen máhtá gáhkojt ja guolijt iemeårrojs oasstet.