Rádjebálges

Gåvvå: Tor L Tuorda

Bálges dålutjis, mij vájves sajijn la mierkkidum muorrabiehkij sáme bájnoj, ednamav snivva tjuovvu miellogis luondon gånnå l giehppe vádtset.

Tor Lundberg Tuorda

Rádjebálges la åvdep bálges Slabávuonas Vuonan Áhkájávrráj Svierigin. Bálges rassti Nuorttakalottabálggáv ja manná várijs vuodnaj. Svierigin Rijtjemis vuolggá.

Bálges lij åvddål oasestimgäjnno ja lájddo lagosbájkij ulmutjijda. Nuppen väráltdoaron ållo báhtariddje Svierigij báhtarin Rádjebálggá milta.

Ällosujtto l ednamijt bálggá milta bájnnám. Moatten bájken vuojnnuji ruoddnis ja sjaddelis giette gånnå áldojt båhtjin. Giettij lahkusin li åvdep årudagá.

Svieriga bielen gávnnuji vuojŋadimdåbåtja hivsigij ja muorraájtij ja vuona bielen iddjimdåbe. Máhttá vádtsemgaskav oanedit jus Áhkájávrev vadnasijn manná ienni gå Rijtjemis vádtset.

Sjnjilltjamános ragátmánnuj la buoremus ájgge bálggáv vádtset.

Dåbe: Vuonan gávnnuji.

Oajvvadip:

Bierdnaoaivi: Biernaoajvve jali giergge? Vuona bielen Rádjebálggá milta gávnnu Bierdnaoaivi, bierna muoduk giergge mij Bierdnatjåhkkåj gähttjá. Dan lahkusin la Bierdnajávri.

Gierggegárdde: Riddaborrin la gárdde giergijs mav gárttjadissaj tsieggijin boahttsujt tsakkatjit.

Doarromujto: Bálggá milta li aj åvdep gáhttárhuhttána ja ietjá doarromujto nuppet väráltdoaros.