Áhusjgårsså

Gássjelisvuohtagráda: Álkke

Guhkkudahka: Lahkke biejvve

STUOR MUORKE SUODDJIMPÁRKKA

Gårsså l åni gaskav Gånågisbálggás Sáltoluovta allelin. Juo ådnå gårssån sjattaj jáhkedahtte gå sisednamjiegŋa suttaj ja tjáhtje bårsjoj várev vuolus. Giehpes ja vuogas biejvveváttsos la ja sämmi bále máhtá Bietsávrráj vádtset jali Gierkkamav bajás. Gårsså l rádje Stuor Muorkkáj.

Áhusjgårsån soajtá boajmátjav vuojnnet – ja jus dujna l vuorbbe – albbasav. Jus ij ietján de ihkap luottajt albbasis ájtsa mij Stuor Muorke ja Suorvá bákteednamijn soabttsu.

Diehki gávnnat

Sáltoluovtas Gånågisbálggáv váttsá ja gå guoktelij manná de rievtes bálggáv tjuovo. Váttse rievtesguovlluj desik suoddjimpárka rádjáj boadá. Máhtá gårsåv vuolus luojttádit ja bajás vádtset, jali duhtat gårssårabdan tjåhkkåhit ja vuolus gähttjat.