Manen väráltárbbe?

Jagen 1996 bejaduváj Laponia väráltárbben FN-orgánas Unesco. Dat mierkki bájkke ájnas la ålles väráldij sujttit ja suoddjit. Biejadusá vuodon la goappátjagá luonndo ja kultuvrraárvvo mij Laponian gávnnu. Bájken li bátsidisá ednama ja ulmutja árra histårjås. Ednam gånnå guhkes ájgijt älojt li sujttim la aktan viesso sáme árbbedábijn hámev oadtjum.

Unesco mierredij Laponiav väráltárbijda gullut danen gå sierra njuolgadusájt dävddá, ma gåhtjoduvvi ”Outstanding Universal Values”.

Dála li muhtem buojkulvisá manen Laponia l väráltárbben biejadum:

  • Gåvvå: Carl-Johan Utsi
  • Bájke valjes kultuvrraárbbe vuoset ulmutja li ednamijt ávkkim mälggadav váni biejstek. Gåvvå: Carl-Johan Utsi
  • Gåvvå: Carl-Johan Utsi
  • Sarek ja Sulidälbmá vuosedi midjij gåk ednam geologagit la hábbmidum ja manen la nåv gåk la uddni. Gåvvå: Peter Rosén
  • Ednama tjábbudahka degu dal stuor várrejávre Badjelándan. Gåvvå: Carl-Johan Utsi
  • Viesso sámekultuvrra, gådij ja ådåájggásasj dåbij, dahki guovlov ájn tjáppebun Gåvvå: Laponiatjuottjudus
  • Laponian gávnnu gájkka mij la goasstejieŋajda tjanádum, degu dal u-vákke, árraga, njirrama, bårssjo goasstejiegŋaäno.
  • Vuojnná gåk jiegŋa ja tjoasskem li bájkev bájnatjam, degu dal balsa ma sjaddi ja nåhki, ja gåk jiegŋaäno li bávtijt ja giergijt luoddum. Gåvvå: Laponiatjuottjudus
  • Sjávnja áhpeednam la oalle dárbas. Dájn áhpeednamin jurra de vádtsemrájgev gávnná gå ij la dálvvefievrro. Gåvvå: Jan-Erik Nilsson
  • Laponian li vuoras vuome muoraj ma li ienep gå 700 jage. Dánna duohtak vuobme sjaddá. Gåvvå: Jan-Erik Nilsson
  • Laponian tjielggasit vuojnná gåk ulmutja li årrum oassen luonndovuogádagás 7000 jage. Gåvvå: Carl-Johan Utsi