Suoddjimpárka ja luonndoreserváhta

Mijá ednamijt suoddjitjit Svierik ienemusát dajt luonndoreserváhttan biejat. Bájke buoremus suodje l suoddjimpárkkan biejadallat. Svieriga 29 suoddjimpárkas niellja Laponiaj gulluji, Sarega, Badjelánda, Muddusa ja Stuor Muorke suoddjimpárka.

Väráltárbbáj gulluji aj luonndoreserváhta Sjávnja ja Stubbá, Tjuoldavuobme, Ráhpaäno suorgudahka ja Sulidälbmá. Stuor vuome, váre ja áhpeednama gåbttji 9 400 kvadráhttakilomehtera Jåhkåmåhke ja Jielleváre/Váhtjera kommuvnajs.