Sjávnja

Ájgev maŋŋela duv biellje hárjján vijdes sjávodis muohttagij. Duv luotta, duv tsåhkesvargadime ja duv vuojŋadagá li ájnna ma gulluji. Ruŋga sjkádnja mälggadin jiednat. Gå gáhtu de ájn vil sjávvun.

Nåhkåmahtes tjuojadibme. Vitsert, bihtju, tjuojat, jiednat biejvev tjadá ja vil tjuodjalappot iehkedis. Ja jur oaddádijn tjuojkka mij duv bielje sisi suogŋá.

Sjávnja luonndoreserváhtan li moadda ednamtjerda várijs allen ja rijka stuorámus áhpeednamijda lullne. Moarmesmánon dievvá Sjávnja lågodis edna låttijs. Tjuovggis ijá gulluji tjuodjamin.
Dán vijdes luonndoreserváhtan gávnnu tjievres, jiervva, albas ja biernna. Ja sarvva. Valla ienemusát boahttsu vuojnnuji. Gidán ja tjavtjan Baste čearru ja Unna tjerusj jåhti äloj dálvveednamis Sjávnja lullelin várijda allen.

30-lågon gå guohtom lij nievrre ganudin muhtem räjnára dási. Älo unnun ja Sjávnjaáben lij guohtom. Dánna gávnnujin guole, låtte ja gidán edna måne. Åvddåla gå räjnárijs binnoj de diedon lidjin jiekkev duok diek rasstim måttijt lågijt jagijt. Diehtin gåjt gånnå viesodahtij ja gånnå årromsaje gávnnujin. Ja de dasi ganudin ja bivddin niedijt, rievsagijt ja miehttselåttijt. Lidjin guokta stuor låtte, sjnjuvtja ja gása. Da låtte gárgada gidán båhtin, lahttadin ja rehtjun jiekkijn. Danna li gájkka värálda låtte. Sjnjuvtja rehtjun jánndurav birra gå labudin.

Lars Pittsa, ällosujttár Unna tjerutjin

Vájku ij la nåv álkke ednamijn Sjávnja lullelin vájaldit de dánna lidjin stuodaårro. 1800-lågon bånndura Sjávnja guovddelij årrujin. Guollijin, slihturij barggin ja bivddin. 1940-ájggáj sláddjijin Sjávnja jiekkijn, valla uddni ij des gávnnu aktak stuoda åroj. Dåbe li dálla asstoájggedåbåtja.

#sjávnja

  • Dagens Kebnekajse bild tillsammans med polarn p renhllningsuppdrag solen ger
  • Skoterleden mellan Girjluokta och Allavrre i Sjvnja laponiaworldheritage sjvnja
  • I dagarna korrekturlser vi utstllningstexter om Sjvnja Det betyder en
  • Kallt p Sjvnjamyrarna idag laponiaworldheritage sjvnja
  • Markering av kallklla efter Allvrreleden laponiaworldheritage sjvnja
  • ntligen r nya kartan ver Sjvnja och Muttos klar laponiaworldheritage
  • endagivarldsarvet laponiaworldheritage sjvnja
  • Med Bertil Warg i hkvrre Sjvnja sjvnja
  • Sjvnja laponiaworldheritage