Stubbá

Stubbá l degu råvve vijdes Sjávnja luonndoreserváhta ja Muddusa suoddjimpárka gaskan. Danna li vuobmesuollu, dålusj vuome, tjärrováre ja giellasa hájedum vijdes áhpeednamijda.

Goahttsevuobme sjaddá várrebálten ja bajebun soahkevuobme. Vuoras vuobme Stuppán la buorre guododimsadje Unna tjerutja älojda dajna gå edna sláhppo gávnnu. Muohta l gassak vuoratjismánon ja boahttsuv guoddá. De sláhpojda ålli. Dán ájge boahttsu vierttiji sláhppuj bessat gå vájvve l vistev goajvvot.

Rahte E45, Bårjjåsa ja Jielleváre/Váhtjera gaskan, boarkki Stuppáv ja danen bájkke hähpá oanep biejvvemanojda. Maná tjuojgatjit jali árra ideda maná låttijt gehtjadittjat. Älla moadda bájke Laponia väráltárben ma li nåv gávnadahtte degu jur Stubbá.

Tjåkkå stiebilijt ja ale tjijkkárav vajálduhte.

NOP_muddus_mars14-951_MidRes_CJUTSI

Gåvvå: Carl-Johan Utsi

Buorre lieggabisodibme

Sláhpo vuoras vuomijn sjaddi. Låtte dajt álu bässáj tjoaggi. Guovsaga biesse l gåjkke rissijs, sláhpoj devdadissan. Sláhppovuomen soabttsu ållo råme.