Bivddo

Titti Bergman giehttu suv bivddemmiela birra
  • ”Mån nåv lijkkuv jiekkijt vádtset.”
  • ”Dánna gávnnuji tsuobbu, nágin sarvva ja de mån. Lijkkuv gåk jiegge happsijt. Gehtjav båvnåjda, dálkkáj, bäjvváj ja luottajda juhtusijs dán bájken.
  • ”Áhttjám agev hástij muv mähttsáj tjuovvot. Iv jáhke berustij mån lidjiv niejdda. Jus bárnne luluv de jáhkáv sämmiláhkáj lij dahkam. ”
  • ”Gå áhtjen ij lim aktak bárnne de munnuv oappáv maŋŋáj hástij. Gå mánájt maŋŋáj válldá de hárjjáni. Ja måj goappátja lijkkujin bivddet. Goappátjagá oabbá ja mån.”

Tjaktja l duojkes ájgge goappátjagá ulmutjijda ja juhtusijda. Jåhttelåtte tjåhkani ja vuolggegåhti oarjás. Ma báhtsi ietjasa buojdden bårri dálvev bierggitjit. Boatsoj rahká åvddåla vuostasj muohttaga ragátmánon. Sarvvá tjoahkkiji vátjavtjårrågijt majt gehtjadi ja rahkagåhti. Várij ja vuomij álmmugijda l tjaktja muddo ávkkit majt duoddara ja vuome fálli. Muorjijt tjoaggi, guolijt, låttijt, sarvajt bivddi ja boahttsujt njuovvi ja vuorkkiji guhkes dálve åvdån.