Guollimvuorbbe

Árrat, árrat idedis badján viermijt åhpatjit. Muhtem guolijt idedis bårrå. Maŋŋela dahká dålåv goahtáj ja suovastuhttá guolijt, tijmas tijmmaj. Dav båttåv gå dållå buollá de gáhkki ja gáhkov bårrå suovasguolijn. Giesen ij la imáj jus bårrå guolev idedis, biejven ja iehkedis.

Guollim la dánna agev ájnas årrum. Guolle l biebbmo ja gå dav vuobddá de sisboadov oadtju. Sämmiláhkáj gåk muhtem fuolke li boahttsuj maŋelt jåhtåm, li muhtema guole maŋelt jåhtåm. Årrun gånnå guole lidjin.

Bivddá dav madev dárbaj. Jus oadtju enap guolijt mejt bårrå de rádnajda vaddá. Ihkap jur dahta guollimvuorbev vaddá.

”Áhkko biejaj tjålijt ruovddelihttáj. Sugáj viermmesadjáj ja nåv jávrráj gurggalij. Ittjij goassak oattjo giergij gasskaj jávrregátten guodet. Vierttij gájkka tjoahkkit. Jus lij snivvima diehti jali ruoptus vaddet, dav iv diede.”

 Nissun Laponias

guolli