Boatsoj

Biekka åbmudahka

  • ”Vuovddesábme báhkav ja tjuojkajt hálijt. Tjuojka li mijá buoremus svájnnasa”, Per-Erik Kemi javllá, ällobargge Jielleváre vuovddetjielden.
  • ”Gå viertov vuosedi moadda biejve de stiebilijda tjágŋá ja ábijda vuolggá älov gärddaj vuojedittjat”
  • ”Boahttsu bálggali ábijda ja ijájt biejvijt guohtu. Ällorabdajt mij tjoahkkip. Älov tjuojka tjoahkkiji”.
  • ”Iján miesijt märkkop, buorep la boahttsujda ja miese buorebut áldojt tjuovvu gå gálos la.”

Tuvsánijt jagijt la boatsoj årrum akta dajs divrrasamos juhtusijs Laponia álmmugij. Uddni ällosujtto l ájnas ekonomalattjat ja vuodo sáme kultuvrraj. Vájku älo li sámij äjgon majt jagev birra sujttiji, li da sáme hållamvuoge milta – biekka åbmudahka.

Boatsoj la dán bájken årrum maŋemus jiegŋaájge rájes. Älo li guohtum dájn vuomijn ja várijn ja bájke vuostasj ulmutja dajt tjuovudin. Ballin vuogádagájt bivddoråkkijs daggu jur gåggu gådde hähttuj guotsadijn vásset. Daj sisi gåttijt balldin. Ettjin dåssjå biergo diehti bivde. Náhkijs ja sasnijs gårrun biktasijt, gábmagijt ja iehtjádijt mejt bierggima diehti dárbahin.

Maŋenagi boahttsuv dábmin. Adnin låjes váhtjamijt gåttijt loakkátjit. Stuorámus árvvo lij gå boatsoj giesij ja guottij dárbbagijt jådedijn. Gå oasestahtjin álmmugij birrusin de dárbbo stuoráp älojs badjánij. Mejt boahttsus ájmujda válldin máhttin lådnot jali vuobddet.

Svierigin 51 tjielde/tjäro älojt sujttiji, aktse Laponiaj gulluji. Tjielde/tjäro sebrulattja älojt aktan sujttiji. Dálásj teknijkka degu GPS-rájana, helikopter ja moattelágásj miehttsevuojána álu aneduvvi. Tjuohkejagij muhtema muhttijn biebmadi älojt gerdan. Åvdebut ij lim máhttelis, tjuohkejagij máhttin danen ålles älo jámas nälggot. Muhtem vahkon máhtij ålles ällo jábmet dálke ja biekka diehti.

Hållamvuohke boatsoj la biekka åbmudahka ij jur udnásj bäjvváj gullu, valla daŋgas diehti dárbaj boatsoj ja ällosujtto duohtak ednamijt gånnå boatsoj bässá guohtot.

hostslakt_sarv_CJUtsi

Gåvvå: Carl-Johan Utsi