Boahttsu ednam

Ájn uddni sämmi bálggájt tjuovudip

  • Gåvvå: Jan Erik Nilsson
  • Gåvvå: Jan Erik Nilsson
  • Gåvvå: Carl-Johan Utsi
  • Gåvvå: Carl-Johan Utsi
  • Gåvvå: Carl-Johan Utsi
  • Gåvvå: Carl-Johan Utsi

Dajna gå gávnnum la moattelágásj biebbmo la ulmusj Laponian bierggim maŋemus jiegŋaájge rájes: sjatto, guole, sarva ja de gådde mav maŋŋela dábmin. Älo li Laponia sierralágásj luondov duodden hábbmim ednamin stuor biologak moattevuodajn. Gierggeájge bivdde tjuovvun jåhtte gåttijt ja bivddin dajt. Gåttij jåhtema jahkeájgij miltu li udnásj ällosujto vuodon.

Boatsoj la jåhtte ietjas luondo miltu. Guohtomav gávnná moatten sajen jahkeájgij milta. Vuovddeboatsoj labut jiegge- ja vuovddeednamijn ja ij goassak várijda vuolge. Várreboatsoj guohtsá vijddát. Árragiese guohtu jiekkijn ja soahkevuomijn gånnå árrat valjet sjaddá. Giesseguovddela guohtu várijn, gitta vuona merragáddáj. Gidán ja tjavtjan manná duoddarijda ja soahkevuomijda. Dálven vistijt guohtu muottás vuomijn.

Udnásj tjieldijn/tjärojn hähttuji ulmutja boahttsujt jåhtet moatte bájke gaskav jagen jus galggi viessot. Älloniehke li stuodaårro, valla boatsoj ájn tjuovvu ietjas dålusj jåhtemgäjnojt.

Boatsoj ednamav gárvvi måttijda sjattojda. Gå duolmmu ja ednamav gajkku de ednam lieggan. Dan láhkáj viste, sebmula ja ietjá sjatto sjaddi.