Várreällosujtto

Miessemärkkomájgge l tjuottjes. Oadá biejvijt ja gåhtså ijájt. Maŋemus ij diede jus la biejvve vaj idja. Manná ráddnásijdaj ja ietjas märkkomij milta.

Dálkke ja biegga mierret gåk manná. Ij la javladum boahttsu li avta váren. Ij la javladum manáj dán ijá. De viertti usjudit. Gånnå l ällo? Dálke milta barggat. Soajttá avtan biejven, jali gålmån vahkon avtatrajes.

De buktá älov gärddaj. Dåbddu iellem la. Vuorbbedåbddo ruovggamijt gullat. Gávnnuji miese, áldo ja boahttsu. Buoragit manáj dán jage aj. Viessun. Nåv gietjedis ávvo vuojnnet.

Helena Länta, Jåhkågaska tjiellde

Jages jahkáj, jahkeájges jahkeájggáj boatsoj guohtsá guohtoma milta. Galmma dálvvebiejvijt tjiegardi várreboahttsu vuomen. Gå giesse lahkan alesti sino ja urttasij milta.

Ällosámijda jahke álggá moarmesmánon, gå áldo miesijt njåludi. Biehtsemáno maŋŋegietjen räjnára tjoahkkigåhti älojt miesijt merkutjit. Märkku gálos ijájt giehpedittjat báhkkailmes ja råmijs.

Várreällosujton li guhka jåhtema guohtomednamij gaskan, várijs vuomijda sierra. Muhtem sijda jåhti guhkebuj, muhtema lagábuj, guohtom mierret man mälggadij. Garra dálvijt nievres guohtomijn gájka vuorddi biejvev lieggigoahtet ja ednamijt bievlladit.

Gå gidá guovlluj lip mannamin de áldo åjvijt bajedi ja alás njunnjidi. Alesjåhtem vat álggá várijda, ruoddnis valdajda gånnå boahttsu ietjasa buojdden bårri. Ådå jahke vat álggá. Gájkka ällá.

Sarvesájgge Harrån

  • Baste čearru tjoahkki älov sarvvájt njuovatjit.
  • Moatten tjuottjes biejven ragátmáno álgon barggi.
  • Ådåájggásasj vuojánijn manná ruvábut älojt tjoahkkit gå dalloj gå vádtset vierttij.
  • Älov tjoahkkiji ja gärddaj vuojedi gånnå bårråmboahttsujt giessi.
  • Dát la maŋemus bále åvddål dálve goassa miesijt märkku. Dálven ij mierkki gå bielje e save tjoasskema diehti.
  • Maŋep biejve la barggo duoljijt tsäggot ja tjålijt rájnnit. Duoljev gåjkkåt jali navvá, dilkku ja dibmat sassneduodjáj