Vuovddeällosujtto

Vuodo viessomij

Vuovddesáme e várresámij láhkáj jåde duoddarijda gidán. Vuovddeboahttsu vuobmáj báhtsi ja guohtsi guohtoma milta vuomen ja áben jagev birra. Laponian, sierraláhkáj Muddusa vuomijn ja ábijn, Jielleváre vuovddetjiellde älojt guodot. Vuovddeboahttsujda li ábe degu váre li várreboahttsujda. Báhkka, tjuojkkás biejvijt boahttsu tjåhkani ábijda gånnå l gálos ja vehik ruodju, råbmebijnos besatjit.

Vuovddesáme boatsojsujtto gávnnuj ålles nuortta Suoman ja gitta Ångermanlánndaj. Dan miltu gåk bånndura ednamijda nággijin de vuolgadin sijájt ierijt. 1900-lågo álgguj vuovddesáme muhtem märráj jåhtin. 1950-ájge rájes la vuovddesámij ällosujtto rievddam. Uddni vuobmerahte gávnnuji maj milta álkket manná ja gps-rájana ma vuosedi gånnå l ällo.

Dållåmáhtto

Miehtsen gávnnuji edna muora. Dållå l moatteláhkáj ávkken. Vuomen la nuorssjo ieme dållidimvuohke idjadiddjijda dálven. Guokta luoddim tjåskå tjuovggi ja lieggiji ålles ijáv. Vuohke l goappátjagá álkke ja ávkken.

eld_CJUTsi

Gåvvå: Carl-Johan Utsi