Bátsidisá ednamin

Laponia tjátjij ja jávrij miltu gávnnuji badjelasj gålmmåtuvsán dåbdos dålusj- ja kultuvrrabátsidisá. Vuorrasamos dåbdos bátsidisá ulmutjij maŋŋela, máhtti dánna vájk 8000 jage vuorrasa.

Jus gehtjada de älvá bátsidisájt ulmutjijs gudi mijá åvddåla dánna viessun:

Árran

Árrana láhkáj bårdodum gierge. Ulmutjis la årodam oanegis ájge. Árran la vádtse viesso. Dållågátten la ulmusj bårråm, vuojŋadam ja lieggasav ja tjuovgav oadtjum. Váren ájn skierrijt ja siergajt boalldi. Árranijt álu gávnná jågåj ja ádjagij milta. Aj jieggegátten, gåjkkedievájn ja vierajn. Álu muhtem märráj ednama vuolen, dåssjå muhtem gierge vuojnnuji dagŋasij ja rásij sinna.

fanstgrop_Ill Marianne

Bivddoråkke

Jus moadda stuoráp bivddoråkke maŋŋálakkoj älvá de soajtti dålusj vuogádahka bivddoråkkijs. Báledum sajijda jur gåggu gåtte jali sarva hähttujin guohtsat.

Juo 6 000 jage mijá åvddåla adnin gåddebivdduj. Jáhkedahtte vuojedin gåttijt råkkijda, ja biesstagijs såjijt dahkin stivrritjit gåttijt tjiegadum råkkijda. Bivddoråkke li anedum moadda tuvsán jage ja Svierigin bivddemvuogev buorggun jagen 1864.

Biehtse buorre guolmmasijn

Ållo vuorrasap bietsijn li merka guolmasválldemis. Giettses guhkep merka máddaga milta vuosedi guolmmasav li biebbmon válldám. Guolmasválldemijt álu vuojnná Laponia vuomijn, sierraláhkáj bálggáj milta ja årromsajijn gåggu ulmutja álu li jåhtåm. Árra giese, njalleájge guolmmasav válldin. Dalloj guolmas la buoremus ja álkkemus válldet.

Båhtjemgiedde åvdutjis

Båhtjemgiettijt gávna váren. Vuomen aj gávnnuji valla gássjela ielvvet. Sjatto båhtjemgietten ärráni tjielggasit birásednama sjattojs, danen gå boahttsu danna li guohtum ja duolmmum. Jus sierggarådon sjaddelis giettev älvá de l jáhkedahtte båhtjemgiedde.

Giesen ja tjavtjan tjoahkkijin älov giettijda gånnå áldojt båhtjin. Juohkka fuolken lij elusj mav tjuovvun jagev birra. Båhtjemgiette uddni savvu gå e desti dan láhkáj älov sujtti.

Kultuvrraednam
Jus e boahttsu lulu de e sierra sjatto ge.

landskap_Badjelannda_CJUtsi