Rickard Åström, Allávárre

  • Sjávnja. Govven: Carl-Johan Utsi
  • Alláváris lea dálut ávdin. Giettit leat šaddan suohkadin ja fásta orrut lea johtán eret. Govven: Carl-Johan Utsi
  • Otne orro Rikard Åström Jielleváris, muhto gilis lea su mánnávuođa ruoktu. Govven: Carl-Johan Utsi

  • Govven: Carl-Johan Utsi
  • Dalle, 1950-jagiin, leai juohke veagas heasta, moadde gusa, sávzza ja geassespiidni. Govven: Carl-Johan Utsi
  • Govven: Carl-Johan Utsi
  • Biilageaidnu gillái buvttii ođđa áiggi. Mánáid sáddejedje skuvlii ja olbmot ohcagohte bargguid gávpogiin. Gili suovat šadde unnit ja unnit. Govven: Carl-Johan Utsi
  • Dán áiggi dat oidnojit dušše basi áiggi. Govven: Carl-Johan Utsi
  • Govven: Carl-Johan Utsi

Dološ áiggi olbmuin ledje ollu barggut

Jus galggai birget fásta orrun báikkis duoddara lahka de fertii máhttit bargat máŋga barggu. Dállodoalu vuođđu ledje lihtara, ja golai ollu áigi, máŋga vahku garra bargu, háhkat daidda borramuša. Stuorra oassi geasis ja čavččas olbmot devde láđuid biepmuin lihtariidda. Leai issoras garra bargu. Dálvebiebmun sii láddjejedje ávnnasrikkis šattuid mat šaddet eatnogáttiin, jekkiin ja eatnonjálmmiin.

Muorječoaggin, bivdu ja guolásteapmi attii maid biepmu. Eanuin ja jávrriin leai valjit guolli. Osiin jagis sii bivde lottiid ja sarvvaid. Seammás lonohalle gálvvuid ja bargguin guovllu johttisámiiguin. Boazosámiin leai bohccobiergu ja boanddain fas biergu, vuodja ja mielki.

Báhčinbálká

Fásta orrut fertejedje ohcat bargguid ja sisboađuid doppe gos leai gávdnamis. Dálvit čulle dievddut belkkuid, muhtumat ledje veahkkin boazosámiide ráktaáiggi ja njuovvamis. Buohkat bivde visot, orriid rájis gitta neađi ja sarvva rádjái. 1960 jagiid rádjái attii boraspiriid bivdu dehálaš lasseruđa. Jus goddet biertna, geatki, albasa dahje návddi mávssii stáhta báhčinbálkká. Jus leai dilli sii válde barggu suvdit belkkuid dahje belkočuollin dimbbarmeahcis.