NOP_muddus_mars14-713_MidRes_CJUTSI
Change language
Visot eallá. Miessemánu gaskamuttus áldu njoallu miesis. Jahki álgá. Bierdna boahtá biejus, ruksesmiessi lea álkes sálaš. Meahci ja duoddara beaivebeliin bievlá. Čáhcigolggada jogain ja jekkiin. Gáladeaddjit ja njuvččat čuojahit čuvges giđđaijas. Duoddarii mátkkošta dorvvoleamos ija cuoŋo nalde. Iđđesbeivviid suddá ja muohta ii šat guotte. Jus háliidat vásihit Laponia loddeeallima de dát lea rivttes áigi, muhto ale pláne ollet ila guhkás. Olbmuide dát lea gaskaáigi muohtafievrru ja bievla gaskkas.
Jogat ja eanut duldet giđđagolggadagain ja dagaha ahte ii leat vejolaš beassat daid rastá, šaddá duhttat vájaldeamis duottarravddas dehe vuollegis duottarluohkáin. Fargga jeaggi duoldá eallimiin. Badjelmearri reabbáelliin, šlubboivviguin ja máđuin geasuha juohke jagi guhkkin boahtti gálaheddjiid lállet dáppe. Mihcamáráiggi loddelávlun unno. Čuoikkat ja muogirat ihtet ja muosehuhttet ealibiid ja olbmuid. Meahcceeatnama rabas jekkiide čoahkkanit vuovdebohccot gállosii ja de sáhttet álgit misiid merket. Dego ovdal čogget olbmot boskkaid duottarvumiid rašes ruotnasiin ja juomuid čoaggá gittiin.
Oalle gievras fámut leat jođus. Beaivi lea jorgalan min guvlui eatnamis. Visot bohtet ruovttoluotta jagis jahkái seammá báikkiide. Čearret čáziin Antarktiska birra, boazu vuvddiin lullin. Visot šattut ja ealibat muitet iežas báikkis dan stuorra geasseeatnamis gos seavdnjadat ii gávdno. Moadde huššas mánu ealibat ja šattut šaddet gievra. Olmmoš loaktá bures. Geassemánu loahpageažis boazobargit álget bargguset čohkket bohccuid miessemearkumii. Merkejit gálus ijaid. Dál mii eallit dego dat guhkes galbma dálvi jiekŋagalbma biekkaiguin ja buolaš ijaiguin ii obba gávdno ge.
Go vuosttaš násti báitá almmis de geassi lea vássán.Čuonját ja iežá bárbmolottit čoahkkanit ja vulget oarjjás. Jaskatvuohta leavvá mehciid ja duoddariid miehtá. Mehciin, jekkiin ja giellasiin muorjjit leat láddan. Guopparjagiid bohccot buidot guobbariiguin. Sarváid čeabehat stuorrut ja dat čallet námi čorvviin. Meahcástanáigi álgá. Šattuid, murjjiid ja rásiid galgá čoaggit ja moadde guollelihti dálvái lea dárbu bivdit. Čakčaseavdnjadis albbas njáhká lagabut livvo miesi.
Čavčča biekkat ja ijaid ritni čoaskuda eatnamiid. Meahci ja duoddara ealibat válbmanit dálvvi lahkoneapmái. Čakčamánu álgogeažis olbmot čohkkehit ealuid ja njuovadit veahkkálaga. Visot dát dahkko ovdal ragatáiggi. Sarvabivdu lea áigi man mii buohkat vuordit. Bárbmolottit čoahkkanit dađi mielde ja ráđđehallet goas álggahit mátkki lieggasit riikkaide. Rievssat ožžo vuosttaš vilges dolggiid. Go vuosttaš násti ihtá maŋŋit eahkedis mii buohkat vuostemielain mieđihit ahte geassi lea gusto vássán.
Vuosttaš vahca boahtá. Meahcci lea sevnnjodan. Bierdna manná bidjui ja duottarčearut čohkkegohtet bohccuid rátket daid dálvesiiddaide. Sii johtet bohccuiguin dálveláidumiidda ja njuvvet niestebohccuid dálvái. Ealibat guđđet luottaid muohttagii. Juoga čiegus ja veaháš moraš gullo dán áigái. Duoddaris ii sáhte luohtihit dálkái. Bossut stoarpmat. Moadde diimmu gasku beaivvi eanandatčuovgá hillaruoksadin guvggodeaddji beaivvi čuovggas.
Dálvi Ii leat goassige oalát seavdnjat dálveija. Čuvges ijaid mánnu suoivvanastá muohttagis. Galbma ija násttit ihtet almmis.”Vintergatan” gohččoduvvo Lodderáideras. Bárbmolottit geavahit dan gávdnan dihte geainnu oarjjás.Almmiravddas loktanit golbma násttit maŋŋit eahkedis. Golbma čuoigi leat bivdime gottiid dehe stuorra sarvva. Vuoras guorrá sin luottaid čuoigga moadde diimmu maŋŋil. Rievssatlávkkiiguin beaivi čuvggoda juohke beaivvi. Sutnje guhte vájalda duoddaris ja meahcis ii leat go moadde diimmu čuovga. Go beaivi fas ihtá de ii bálljo ligge muhto illuda galbma sieluid.
Dál viimmat beaivi liggegoahtá. Bárbmolottit máhccet ruovttoluotta. Duottarčearuin leat válbmeme johtit davás geasseeatnamiidda. Sáhttá leat báiti beaivi dehe garra biegga ja muohtti. Meahcis muohta lea ain gassat ja čeavas. Boaresvuovddis skuolffit huiket ja čáihnit derpet muorramádagiid. Ija badjel beaivvit čuvggodit ja ijatotnot. Laponiai bohtet čuoigit muhto mii fertejit álo fáktet dálkki mii garrasit stivre visot plánaid.