Rádjebálges

Vandrare på Gränsleden mellan Rijtsem och Sörfjord i Norge.

Govva: Tor L Tuorda

Dološ bálggis, mii muhtin hástaleaddji rasttildemiin lea merkejuvvon dihkáiguin sámi ivnniiguin, čuovvu luonddu ja lea oalle álki vázzit ja manná gelddolaš eanadagain.

Tor Lundberg Tuorda

Rádjebálges lea boares bálggis mii manná gaskkal Sörfjordena Norgga bealde ja Áhkájávrre Ruoŧa bealde. Ruoŧas álgá Rijtjemis (Ritsem).

Ovdal bálggis geavahuvvui gávppašanbálggisin olbmuide lagašguovllus. Nuppi máilmmisoađis Rádjebálges geavahuvvui ollu báhtareddjiin geat báhtaredje Norggas Ruŧŧii.

Guovlu bálgá birra lea hábmehuvvon boazodoalus. Máŋggaid sajiin gávdnojit ruones ja šaddovalljes bohccogiettit maid geavahedje dalle go bohce áldduid. Daid lahkosis leat boares goahtesajit.

Ruoŧa bealde gávdnojit vuoiŋŋastanstobut hivssegiiguin ja muorravuorkkáin ja norgga bealde gávdnojit idjadanstobut. Sáhttá oanidit mátkki jus manná vanccain Áhkájávrres dan sadjái go vánddardit olles mátki Rijtjemis. Sörfjordas mannet vanccain Gásluktii/Kjöpsvikai.

Buoremus áigi vánddardit bálgá lea geassemánus gitta čakčamánnui.

Stobut: Leat, Norgga bealde.

Mii rávvet:

Bierdnaoaivi: Bierdnaoaivi dehe geađgi? Rádjebálgá bálddas norgga bealde lea bierdnaoaivi, bierdnahámat geađgi mii loktana Bierdnačohka vuostá. Lahkosis lea maid Bierdnajávri.

Geađgegárdi: Riddaborris lea geađgegárdi mii lea huksehuvvon seakkes bohkis bissehan dihte bohccuid.

Soahtemuittut: Bálgá mielde gávdnojit maid boares váktastobužat ja iežá soahtemuittut nuppi máilmmisoađis.