Ibbatjåhkkå (Soldalen)

STUOR MUORKKE

Ibbatjåhkkå bálgá mielde váccát moadde šaddosonaid čađa. Dat álgá boares meahcis, manná soahkevuovddi čađa ja nohká duoddaris. Dalle go don loktanat oainnát hirbmat čáppa oainnu Stuor Muorkkes, Giergavas ja Láŋas jávrris. Jus jotkát vákkáža mielde don fargga áicát Áhkajávrre ja duoddariid davvelis. Buriin lihkuin áicát maid rievssaha ja boaimmáža.

Bálgá man guorat lea dološ geinnodat gos johte ráidduiguin. Jus manat ain badjelii de ollet Nierasčohkkii, dat lea 1490 metara meara bajábealde.

Diekke gávdnat

Bálggis vuolgá veaháš davábealde Viedása/Stuor Muorkke čáhcefápmostašuvnna, sullii gilomehtera Stora sjöfallet duottarviesuid davvelis. Dat manná nuorttabealde biilageainnu ja lea merkejuvvon galbbain. Go boađát vuovddi sisa de suorgása bálggis jogas. Váldde dan mii lea gurutbealde jus áiggut Ibbatjåhkkå guvlui. Jus váccát dan olgeš bálgá dat lea mihá eanet ceakkus ja dan mielde ollet Nieras vári ravdii.