Skájdde

MUTTOS

Skájdde l dakkir sadje gånnå äno aktij gålggi. Dánna Muttosädno gålggå Stuor Julevednuj. Gå Muttosuvsas ja bisádagás muhtem kilomehtera vuolus váttsá de ednuj boadá gånnå vuogas dållåsadje jur jávrregátten gávnnu. Dánna li tjåhkkåhimsaje ja dållåmuora vaj besa káffidit. Vehi duobbelin la vuogádahka bivddoråkkijs mij subtsas gåk jur dánna gåttijt bivddin.

Váttsos ednuj hähpá mánnáulmutjijda ja gájkajda gudi Muddusav sihti vuojnnet vájku e ilá mälggadijt hähttu vádtset.