Gidá
Gájkka ällá. Moarmesmáno gassko áldo njåludi miesijt. Jahke álggá. Biernna guorátjis la badjánam, njäbtsov álkket válldá. Bievllá vuomen ja várij oarjeldusájn. Jågå ja jiekke dulvvi. Gálatja ja sjnjuvtja tjuojadi tjuovggis gidáiján. Várráj álkkemusát bässá idjatjarvvan. Idedisbiejven sieblat. Jus Laponian sidá låttijt gähttjat la dálla muddo, valla ale ilá mälggadij maná. Ulmutjij la dáhpaájgge, muohtafievro ja bievla gaskan.
Gidágiesse
Jågå ja äno oavllu. Gidán gå dulvvi agev ij maná rasstit, beras várrerabdav ja tjärrovárijt vádtset.
Ruvva dievvi jiekke viessogijs. Valljudahka räbbaråmijs, tsuobbujs ja mádojs loaggá mälggadijs gálatjiddjijt diehki juohkka gidá. Mihttsamárájge nåhkågåhti låttij vitserdime. Tjuojka ja muohkera viessuji ja juhtusijt ja ulmutjijt vájvedahtji. Vuovdij rabás ábijn tjåhkani vuovddeboahttsu gálldusa diehti ja de ulmutja bukti miesijt märkkot. Degu åvdebut aj tjoaggi båskåjt ja juomojt lagimmiehtsij vuostasj ruodnudagájn ja giettijn.
Giesse
Sieldes fámo viessuji. Biejvve l jårgijdam mijá vuosstij. Gájka moaddu jages jahkáj avta sajijda. Tjierrek tjátjijs Antarktisa birrusin ja boatsoj vuovdijs lullne. Gájkka sjatto ja juhtusa mujtti ietjasa sajijt dán stuor giesseednamin gånnå älla sjievnnjeda. Moatten tjuottjes mánon stuorru juhtusa ja sjatto. Ulmusj buoragit viessu. Biehtsemáno maŋŋegietjen räjnára tjoahkkigåhti älojt miesijt merkutjit. Gálos ijájt märkku. De dal viessop degu guhka, garra dálvve ja galmma biekka ja ijá e gávnnu.
Tjaktjagiesse
Gå vuostasj násste jillagoahtá de giesse vássám la. Gása ja ietjá jåhttelåtte tjåhkani ja oarjás jåhttåji. Sjávodisvuohta gåbttjå vuomijt ja várijt. Láddam muorje li vuomijn, jiekkijn ja vadájn. Buorre guopparjage guoppardi boahttsu ietjasa buojdden. Sarvvá tjårvijt tjalli ja tjiebeda gassu. Tjuohppamájgge l. Sjattojt, muorjijt ja urttasijt tjoaggá ja lihtijt dävddá guolij mejt la bivddám. Tjaktjasjievnnjedin njáhká albas livvamiese nali.
Tjaktja
Tjaktjastoarmo ja idjatjoasskema galmmedi ednamijt. Vuomij ja várij juhtusa gárvedi ietjasa dálvveláhkáj. Ragátmáno álgon räjnára älojt tjoahkkiji sarvvájt njuovatjit ja gájka vähkádalli. Njuovvá åvddål sarvvá rahkkáji. Sarvvabivdov lip vuorddám. Maŋenagi tjåhkani jåhttelåtte doahkken ja ájgas båhtali goassa lieggasap rijkajda vuolggegåhti. Rievsak/gierun målssogoahtá vielggis dálvvedålgijda. Gå vuostasj násste jillagoahtá gájka árvvedip giesse dal la vássám.
Tjaktjadálvve
Vahtsagoahtá. Vuobme l tjáhpudam. Biernna suogŋá guorátjij ja várretjielde/-tjäro tjoahkkigåhti älojt dálvvesijdajda lárkatjit. Äloj jåhti dálvveednamijda ja bårråmboahttsujt njuovvi. Juhtusa girjji muohttagav ulmutjijda diehton. Suollevis ja vargga gávkas ájgge l. Gássjelis ájgge várijn. Hähkkat garrasit biekkas. Biejvveguovddela luonndo viskelt fámodis bäjvádahkan.
Dálvve
Dálvveijá ij riek sjevnjuda. Jielagis ijá mánno suojvvanasstá muohttaga vuosstij. Galmma ijá almme dievvá nástijs. Jåhttelåtte adni dálvverájáv viehkken oarjás gávnatjit. Maŋŋeiehkeda gålmmå náste badjáni almmemáddarin. Da gålmmå tjuojgge li bivdátjit gåttijt jali stuor sarvav. Nágin tijma maŋŋela vuoras sijá láhttojt tjuojga guorrá. Biejvve tjuovgut rievsagalávkijn. Älla galla tijma tjuovggabále miehttsemannáj. Gå biejvve vat jårgijt jurra de lieggi, valla gålitjis sielojt galla ávvut.
Biejvve tjuovgut rievsagalávkijn. Älla galla tijma tjuovggabále miehttsemannáj. Gå biejvve vat jårgijt jurra de lieggi, valla gålitjis sielojt galla ávvut.
Gidádálvve
De vijmak biejvve lieggigoahtá. Jåhttelåtte moaddu. Várretjielde/-tjäro gárvedahtji alesjåhtemav giesseednamijda. Biejvve goarddá jali de garrasit bieggá ja muohttá. Vuomen la ájn gassa ja låsså muohta. Idjalåtte tjuojadi vuoras vuomen ja tjájne tjuoggu. Degu ijá badjel biejvve guhkku ja idja gis ådnu. Tjuojgge båhti Laponiaj. Gájka vierttip dálkkáj gähttjat mij ájggomusájt stivrri.
