Jan Nilsson

Dåbdos ábe

Dá gudi danna viessom diehtin gåggu vádtset. Da ällim moadda gäjno válljit, daj stuor ábij badjel. Gånnå l buorre vádtset sihkkarit gávnnu dålusj bálges. Márjju aj gávna dajt dålusj tjuollamijt muorajs mav gäjnov vuoset. Vuobme la nåv vuoras, jurra mij máhttep arvvalit goassa bådij.

Sjávnja la dåbdos degu ábij ednam. Europan la dåssju gárjjel mij adná sämmi stuor áhpeednamav. Dáj stuor ábij nanna li dievva låtte ma gibmi ja månni, gidá ijájt ij åvvå la sjávot, tsitsátja vitsárdi ja låtte gágádi. Sjnjuvtja jiedna dájvva gullu danna.

Luonndoreserváhtta Sjávnja la 11 mijla guhkke valla dåhku tjárggá ienep gå stuor ábe. Dadi alebuj boadá, dadi allagabbo váre sjaddi. Muhttem sajijs váre gahttji njuolgga ábijda. Dálvveednama vuomen ja várij gaskan jåhti Unna Tjerusj ja Baste čearru sijá boahttsuj. Birrusin Sjávnja sijá årromsaje gávnnuji. Muhtem dajs uddni vilá aneduvve ja muhtema li luondo vas ruoptus válldemin.

Lullegietje Sjávnjan li guhkev årrum ulmutja ma adnin ådåårudagajt. Gitta 1940 de da sláddjijin nåv biebmojt oadtjun slihturijda. Äno ja jávre guolijt vaddin, jiekke muorjijt vaddin ja miehtsen máhtij bivddet. Dálásj ájge ij la aktak gut jagev birra dáhppe årru, valla vilá suovvat dåbijs.

1996 rájes la Sjávnja årrom oasse Laponia väráltárbbe.