Stubbá

Duoddara

Stubbá l degu råvve vijdes Sjávnja luonndoreserváhta ja Muddusa suoddjimpárka gaskan. Danna li vuobmesuollu, dålusj vuome, tjärrováre ja giellasa hájedum vijdes áhpeednamijda.

Stubbá la guovsaga, tjuktje ja idjalåtte häjmma. Jagev birra dá danna årru, gidáj de jåhttelåtte aj båhti. Låtte dáj ábij nanna soabtsotji. Dálvváj ábe li gejnudaga juhtusijda ja ulmutjijda. Vuoras vuobme Stuppán la buorre guododimsadje Unna tjerutja älojda. Boahttsu sláhpojt bårri gå ilá vájvve l vistev goajvvot.

Rahte E45, Bårjjåsa ja Jielleváre/Váhtjera gaskan, boarkki Stuppáv ja danen bájkke hähpá oanep biejvvemanojda. Maná tjuojgatjit jali árra ideda maná låttijt gehtjadittjat. Älla moadda bájke Laponia väráltárben ma li nåv gávnadahtte degu jur Stubbá.

Tsåkkå stiebilijt vaj sabegijt ja ale tjijkkárav vajálduhte.