Gåvvå: Peter Rosén
Dábálamos vuohke Svierigin suoddjit mijá ednamijt la ásadit luonndoreserváhtajt. Nannusamos suodje la dahkat ednamijt suoddjimpárkan. Niellje Svieriga 30 suoddjimpárka li Laponian. Da li Sarek, Badjelánnda, Muttus ja Stuor Muorkke suoddjimpárka.
Dan lassáj la väráltárben aj Sjávnja ja Stubbá luonndoreserváhta, ja Tjuoldavuobme, Ráhpaäno suorgudahka ja sulidälbmá. Aktan dá bájke gåbttji vuomijt, várijt ja ábijt, 9 400 kvadráhttakilometera Jåhkåmåhkke ja Váhtjer komuvnan.
Nationalparker
Naturreservat
.
Suoddjimpárkajn oadtju bednagijn mannat jus tjadnasin la, ådåjakmáno vuostasj biejves vuoratjismáno 30 bäjvváj. Gånågisbálggáv ja Rállárbálggáv Muddusin oadtju aj bednagijn vádtset. Sjávnja luonndoreserváhtan oadtju bednagav adnet valla agev tjadnasin viertti. Stubbáj, Sulidälbmáj, Ráhpaäno suorgudahkaj ja Tjuoldavuobmáj gullu álmmukriektá.
Jus Lenastivra ij la dåhkkidam de ij oadtju háledit vuollela 2000 juolge ednama badjel Bádjelánnda, Sarek ja Stuor Muorkke suoddjimpárkan.
Dav oadtju dållit ålles Laponian. Dålåv dahka åvsijs má li ednama nanna. Valla dav ij oadtju dållit viesso muoraj, rissij ja ij ge biesev muorajs válldet.
Divna njuolgadusá ja biejadusá.
Dal (1 sjnjilltjamánno 2022) galggi divna råve Saregin gávnnut.
Ietjá suoddjimvuoge
Natura 2000
Laponian li dá ienemus ednama suoddjidum Natura 2000 tjadá. Natura 2000 la värmmádahka EU:a ienemus suoddjidum luonndoednamijt. Juohkka bájkke la ietjás bisodimplána mij vuoset gåk ednamijt ávkki ja suoddji. Luonndogáhttimdåjmadahka aktijda bargov Natura 2000. Lenastivran la åvdåsvásstádus sujttit, suoddjit ja tjuottjodit dajt ednamijt.
Ramsarbájke
Sjávnja ja Lájtávrenjálmudahka li tsuojgudum degu árvulasj luvvabájke má galggi suoddjit Ramsarkonvensjåvnåjn. Dat la rijkajgasskasasj konvensjåvnnå mij suoddji luvvabájkijt. Dat vuoset ahte bájke ekologalasj vuojnnu ij oattjo nievreduvvat.