Sarek suoddjimpárkka

Peter Rosén

Alla váre ja vákke

Saregin la oabmevuome, soahkevuobme vákkijs, njálmudagá, jalgga váre, alla váre ja goasstejieŋa, tjåhkå badjelasj 2000-mehtera. Äno ja jågå gålggi vákkij tjadá, jiegŋaájgge la ednamijt rievdadam.

Vakke li dievva giedjegijs, átjáráse, boalloráse ja fjälltorta. Boahttsu ja sarvva soabttsu buoragit daj ednamij. Badjelin li gájse gånnå noarssa, buolmoga ja gieruna sjlässjki.

Bálggá vákkijs la gå boahttsu li danna moadda tjuohtejagijt guohtum.

Danna li sáme viessom moadda tjuohtejage. Årrudaga, gejnudaga, njoalodimednama, guohtomednama ja gárde la dahkam Saregin ájnas bájkke boatsojäládussaj. Dålusj ájgij bátsidis li ållo- degu bivddoråkke, goahtesaje ja árransaje.

Sarek sjattaj oasse Laponia väráltárbbáj 1996 gå tjuottjeldahtij.

Suoddjimpárkajn dåssju oadtju bednagijn mannat jus tjadnasin la, ådåjakmáno vuostasj biejves vuoratjismáno 30 bäjvváj. Gånågisbálggáv ja Rállárbálggáv Muddusin oadtju aj bednagijn vádtset. Sjávnja luonndoreserváhtan oadtju bednagav adnet valla agev tjadnasin viertti. Stubbáj, Sulidälbmáj, Ráhpaäno suorgudahkaj ja Tjuoldavuobmáj gullu álmmukriektá. B

Jus Lenastivra ij la dåhkkidam de ij oadtju háledit vuollela 2000 juolge ednama badjel Bádjelánnda, Sarek ja Stuor Muorkke suoddjimpárkan. Ij ge oadtju hállanit jali säjvvot juojjdajn.

Dav oadtju dållit ålles Laponian. Dålåv dahka åvsijs má li ednama nanna. Valla dav ij oadtju dållit viesso muoraj, rissij ja ij ge biesev muorajs válldet.

Divna njuolgadusá ja biejadusá.

här